خدمات الشحن والخدمات اللوجستية هي الخدمات المتعلقة بالنقل (و بتشمل أي نقل بواسطة وسيلة نقل واحدة أو وسائل نقل متعددة)، و كمان مسؤوله عن تقديم خدمات تجميع البضائع وتخزينها ومناولتها وتعبئتها أو توزيعها، بالإضافة ل الخدمات الإضافية والاستشارية المتعلقة بنقل البضائع ، زي مثلا الخدمات الجمركية والمالية. وتأمين البضائع أو تنسيق و ترتيب المستندات المتعلقة بالافراج عن البضائع و نقلها من دوله لدوله.
شركات ال freight forwarder بتعمل ايه بالظبط ؟
– بتراجع مع المصدر ورق الشحنه زي مراجعة الاعتماد المستندي و الباكينج ليست و الفاتوره
– التحقق من أوراق الشركة المصدره زي السجل التجاري او الصناعي و البطاقه الضريبيه و رخصة التصدير
– التأكد من الوقت المناسب للشحن
– بتجمع تعليمات الشحن من المصدر او المستورد او التوكيل الملاحي عشان تضمن إن كل حاجه تمشي مظبوط
– ترتب حجز وسيلة النقل المناسبه
– ترتب وقت التحميل للبضاعه و تسليم الشحنة إلى الرصيف في الميناء البحري /المطار أو لو هنقل عن طريق مينا جاف او نقل بري
– ترتب الورق اللي هحتاجه للتخليص عن البضاعه في بلد الوصول زي شهادة المنشأ و دي مش بنحتاجها دايما حسب اتفاقيات الدول و ليها أكتر من أسم هنبقي نتكلم فيه بالتفصيل
– ترتب كمان الفواتير و ممكن نحتاج أنها تتوثق من الغرفة التجارية و بوليصة تأمين علي البضاعة و أحيانا بنحتاج موافقات من جهات حكومية عشان نقدر نصدر او نستورد
و من ضمن الورق برضو بوليصة الشحن البحري او الجوي و كل الورق بيتبعت للمستورد عشان يقدر يفرج عن بضاعته جمركيا و يستلمها
و عمل البيان الجمركي للتصدير
– بتتابع حالة الشحنة و تبلغ المصدر و المستورد علي كل التفاصيل أول بأول و متابعة تراك او خط سير الشحنه في البحر او الجو
و في حالة التخليص الجمركي تتابع أي استرداد للرسوم الجمركية وضريبة المبيعات و ده مش في كل انواع البضائع ولا كل حالات التخليص الجمركي.
EN 
AR 
